26/06/2024
賽事已係星期一晚上 (24/6） 結束了。我隊贏了盃賽冠軍，內心充滿興奮的。當天要在下午先進行準決賽（盃和碟賽同時進行）。事後發現兩場賽事都很緊湊，比數相當接近。係吹哨子前五分鐘，我隊只暫領先 13 : 12 。對方背後有位擁躉（對方隊長的太座，都係滾球友）催促一仔快D開波，可能就這樣心急，碌的兩個都不是好波，而我兩個都靠近Jack 一兩尺，二仔各出埋一個波，哨子就响起。按當時的Head，我們多贏三分，以16 : 12 贏而晉級決賽。隔離線的碟準決賽，分版上顯示係 13 : 14 。吹哨子前輸緊個隊一仔碌到一個short wood (最接近Jack的球) ，按當時的Head即係和局。按賽例，對方就按前一局為勝局而勝出，取得決賽資格。（事後有個小故事：第二天一大早那位輸了波嘅一仔，嬸年紀，WhatsApp我討論這件事，問我點解唔係佢地贏？佢以為係按最後個個Head來定輸贏。我向她解釋了賽例。問題是這位阿嬸，三個月前，說自己係都新人的她會當我係新人在練習草時好心的指指點點，如見我用腳攔住會出界的波走埋來指出這樣不對；或有人指叫我充當Skip，她像挺住我說佢未得做Skip。而三個月之後的現在竟然煞有介事地問我這樣技術性問題，哈）。
決賽係晚上開波，準決賽完結與決賽之間有兩句鐘。各人有各人的取向，有些話要出去行行，食埋飯至回來；而我留下休息片刻，就係個到的餐廳（未完全開業的）食了個烏冬，加了兩餸：魚腐和日式叉燒（如車仔麵）。湯的味道和餸都出奇的好味，滿意！
旁聽中，我隊被睇為Underdog 下綫。我心想，好，無壓力。開始三局，一分一分地輸，跟住我們又一分一分攞返，拉据著。我們有一局取得五分，將比數拉開，但跟住又一分一分地輸返。又拉平手。但我們堅持到贏面，到最後吹哨子前一刻 仍是 13 : 11，我個波（看圖白色球）最靠近Jack（黃色小球），對方二仔的兩個都驚險落在旁後。最後對方隊長Skip要打出最後的球，他出波都會有一個follow-through 動作，即是出波後住前走幾步。應該都係太緊張，他出波後的follow-through 可能被自己的腳拌到，向前打了個前滾翻。但在Head這方各人都望球前來的所會帶來的結果，只有隔離線球友走埋去扶起他。哨子聲這一刻就耳邊响起，我們一眾人走埋去看他時，在別人抺持下，拐下拐下的向著我們方向行來，面色不大好，顯出痛楚感覺。賽事在結果沒有改變下我隊勝出，贏到最高奬金五百大元。
